رأى رئيس التيار الوطني الحر النائب جبران باسيل خلال لقاء شعبي في بعبدا: "بـ 17 تشرين نفّذ حلف المتآمرين إنقلاب على الرئيس والتيّار. بالحقيقة كانت مؤامرة على الناس، هدفها انو المتورطين بسرقة الدولة يخفوا جريمتهن ويلزقوها  فينا، و بذات الوقت يلعبوا الدور الخارجي المطلوب، لصالح لعبة الأمم وصفقة القرن".
واعتبر باسيل أنّ "نفس الوجوه الحاقدة يللي شاركت ب 13 تشرين 1990 شاركت ب17 تشرين 2019 قائلاً: "أنا كنت نبّهت من هون من بعبدا عام 2019 انّو جايي علينا 13 تشرين اقتصادي... كل هالوجوه تجمّعت ضدّنا لتفشّل الرئيس و تتخلّص من التيار".
وأشار إلى أنّ " اليوم يعملون على التخويف من الاحتلال الايراني واذا لا سمح الله صار هذا الاحتلال "منعود نلاقيكم الاّ خدّام؟ ونحنا بتلاقونا بالمواجهة".
وقال: "نحنا عنّا نواب جدّيين بيشتغلوا بالتشريع بمجلس النواب وبملاحقة قضايا الناس وآلان عون هو على رأسهم له اصواتنا هو مش بحاجة لدعاية وصوله مضمون انشالله ".
ولفت إلى أنّ "الاغتيال السياسي ما بتمحيها مصالحة سياسية لأن اثرها على سمعة الانسان وكرامته ما بتزول وخاصةً انّك عم تستند فيها على عقوبات مفروضة من الخارج يا عميل الخارج وهيدي ما بتروح كمان من سجلّك".
وشدد على أننا "سنستمر بالمواجهة حتى نخرج من الإنهيار ونحاسب المتورطين ونسترد حقوق الناس واموالهم ونحمي أملاك الدولة من طمَع الذين خربوها بالحرب وسرقوها بالسلم".